端午節（6月3日）就到啦，有冇諗好去邊到玩呢？
近年冇得出國旅行，大家都發掘左好多香港唔同既好去處 😆
「西九文化區」
呢個地方都算係香港人新興熱門中意去嘅地方之一。唔知你地又去過未呢 👀？
「自由空間及大型草坪」
約埋三五知己去野餐，傾下偈放鬆心情。如果有毛孩 🐕 嘅話最適合不過，可以帶埋佢地出黎放下電。另外，區內不時都會舉辦啲音樂會🎤 等活動，有興趣可以留意番佢地官網。
「🚢 海濱長廊」
可以多角度飽覽⛴ 維多利亞港嘅景色，沿住海濱 🚲 踩住單車（可以到客戶服務處租借）吹住海風，真係好寫意。
呢到亦都係欣賞🌄日落嘅好地方，更加啱晒中意打卡📸 嘅你地。
🎫「M+」(視覺文化博物館)
館內空間寬敞，有多個展廳，不定時推出各類型的公眾項目和展覽。
各個空間都充滿藝術氣息，好值得參觀！
博物館暫時都係免費入場，有興趣參觀記得要☎️ 提早預約啊。同埋留意番個佢地開放時間啊（逢星期一休館）
「 🅿️ 停車場」
區內及附近（圓方Elements等）有多個停車場。 區內停車場：
① 藝術公園 E-區 停車場（服務時間：24小時）
② F區停車場（服務時間：24小時）入閘時間：上午8時至晚上10時
③ 戲曲中心停車場（服務時間：24小時）
④ 項目辦公室停車場（服務時間：上午7時至晚上11時）
停車場收費：
時租
星期一至五（公眾假期除外）：
每小時港幣 $28
星期六、日及公眾假期：
每小時港幣$32
夜泊（只限藝術公園 E-區 停車場）：
星期一至四（公眾假期除外）：
每節港幣$80（晚上7時至上午7時）
星期五至日及公眾假期：
每節港幣$100（晚上7時至上午7時） *以上停車場資料（開放時間、時租收費等）會以西九文化區官網資料為準。
Comments